Adresa Ish ndërtesa e Rilindjes Katet: 10, 11, 12 dhe 13 Prishtinë, Republika e Kosovës; tel: +381(0)200 35585 ; 35598; 35577
e-mail: info.mapl@rks-gov.net

Zëvendësministri

 
BAJRAM GECAJ
Zëvendësministër në Ministrinë e Administrimit të Pushtetit Lokal



BIOGRAFIA

Bajram Gecaj u lind më 13 prill 1963, në fshatin Llukë e Poshtme.
Shkollën fillore e përfundoi në vendlindje, ndërsa shkollën e mesme e vazhdoi  në Prishtinë ku përfundoi edhe studimet universitare në Fakultetin Juridik të Universitetit të Prishtinës (1987). Studimet e Magjistraturës (MA) ka përfunduar  në Universitetin Staffordshire të Britanisë së Madhe në Politikë Ndërkombëtare dhe Diplomaci.

Për arsye të natyrës politike në vitin 1988 migroi në Britani të  Madhe,  për t’u kthyer në Kosovë disa ditë pas hyrjes së trupave të NATO-s (1999). Gjatë  qëndrimit në Britani të Madhe, shërbeu si përfaqësuesit juridik në kompani të ndryshme juridike të Londrës. Në mesin e aktiviteteve  gjatë qëndrimit në Britani të Madhe ishte i angazhuar edhe si përkthyes për refugjatët të shpërngulur nga Kosova dhe Bosnja.

Ishte aktiv për çështjen politike të  Kosovës, sikurse  përmes organizatave politike ashtu edhe atyre jopolitike. Është themelues dhe Kryetar i degës së Lidhjes  Demokratike e Kosovës (LDK), ndërsa  gjatë kohës së luftës ishte udhëheqës i Grupit Emergjent për Kosovën, një organizatë ombrellë e të gjitha asociacioneve shqiptare-kosovare në Britani të Madhe dhe udhëheqës në organizatën bamirëse “Kosova Aid”. Përgjatë kësaj kohë, ushtroi funksionin e zëdhënësit për mediat ndërkombëtare në  gjuhën angleze, siç ishin BBC, CNN, SKY NEWS, CBC,NBC, ABC, dhe ITN.

Pas kthimit në Kosovë, iu bashkua misionit të OSBE-së në Kosovë, në funksionin e Këshilltarit Vendorë Ligjor, ndërsa në vitin 2000  vazhdoi angazhimin në Zyrën Ndërlidhëse Amerikane në Prishtinë (nga vitit 2008 Ambasada Amerikane në Prishtinë), në funksionin e Specialistit (Analistit) të Lartë Politik.

Nga viti 2008 është ligjërues  në Kolegjin Universitar “Dardania” në Prishtinë, ndërsa vijon  studimet e doktoratës në Universitetit “Hasan Prishtina”. Në zgjedhjet parlamentare të vitit 2014, iu bashkua listës së kandidatëve për deputet  për Kuvendin e Republikës së Kosovës, ndërsa tani shërben si Zëvendësministër në Ministrinë e Administrimit të Pushtetit Lokal si dhe Këshilltar Politik i Kryeministrit të Kosovës z. Isa Mustafa.