Gjilan 08.10.2026
Drejtoresha e Departamentit për Planifikim dhe Zhvillim Ekonomik Lokal, znj. Fetije Begolli ka marrë pjesë në “Forumin Ekonomik të Anamoravës 2026”, të organizuar nga Oda Ekonomike e Kosovës dhe Universiteti Publik “Kadri Zeka”.
Në këtë forum morën pjesë përfaqësues të institucioneve të Republikës së Kosovës, komunave të anamoravës, biznesit, diasporës dhe organizatave ndërkombëtare.
Në këtë forum u prezantuar Politikat dhe Prioritetet Zhvillimore të MAPL-së në Fushën e Zhvillimit Ekonomik Lokal dhe si dhe mbështetjen e vazhdueshme që MAPL ofron për avancimin e vetëqeverisjes lokale dhe fuqizimin e rolit të komunave në zhvillimin ekonomik përmes Udhëzuesit për Hartimin e Strategjive për Zhvillim Ekonomik Lokal, Modelin e Strategjisë për Zhvillim Ekonomik Lokal, Programit Nacional për Zhvillim Ekonomik Lokal 2030 (PNZHEL) dhe Modelin e Profilit Ekonomik të Komunave, i cili shërben si instrument praktik për promovimin e potencialeve ekonomike lokale para investitorëve vendorë dhe ndërkombëtarë.
Gjithashtu pjesëmarrësit u njoftuar për procesin e hartimit të Strategjisë së re për Vetëqeverisje Lokale e cila është strukturuar në katër objektiva strategjike: Avancimi i kornizës ligjore për vetëqeverisje lokale; Zhvillimi ekonomik lokal; Qeverisja e mirë dhe demokracia lokale dhe Digjitalizimi, inovacioni dhe modernizimi i administratës lokale.
Zhvillimi ekonomik lokal përmes kësaj Strategjie do mbështetet promovimin e ekonomive lokale konkurruese, rritjes së punësimit gjithëpërfshirës, zhvillimit të aftësive profesionale, përmirësimit të infrastrukturës lokale dhe koordinimit më të mirë të investimeve ndërmjet nivelit qendror dhe atij lokal.
Forumi u përmbyll me takime B2B ndërmjet bizneseve, diasporës, institucioneve dhe komunave, me qëllimin e krijimit te partneriteteve dhe mundësive të reja për punë dhe investime.
