Ministria e Administrimit të Pushtetit Lokal (MAPL), në bashkëpunim me projektin DEMOS, më 23–24 tetor 2026, mbajti një punëtori dyditore për rishikimin dhe përditësimin e treguesve të Sistemit të Menaxhimit të Performancës Komunale (SMPK).
Gjatë punëtorisë, anëtarët e Grupit Punues shqyrtuan draftin e tretë të treguesve, diskutuan komentet dhe rekomandimet e pranuara nga komunat dhe institucionet e nivelit qendror, si dhe propozuan përmirësime në formulimin dhe kërkesat për të dhëna të treguesve.
Në përmbyllje të punëtorisë, drejtori i Departamentit për Monitorim dhe Performancë Lokale, z. Drin Haraqa, vlerësoi angazhimin dhe kontributin e anëtarëve të Grupit Punues, duke theksuar rëndësinë e vazhdimit të procesit për përmirësimin dhe finalizimin e treguesve të SMPK-së.
Procesi do të vazhdojë me trajtimin e çështjeve të mbetura, me synim përgatitjen e dokumentit përfundimtar për shqyrtim dhe miratim.
