Romë, tetor 2022
Në kuadër të takimit regjional europian të OGP-së, Ministri i Administrimit të Pushtetit Lokal, Elbert Krasniqi është takuar me Ministren e Pushtetit Lokal të Finlandës, Sirpa Paatero.
Gjatë këtij takimi të dy ministrat kanë diskutuar për mundësitë e bashkëpunimit në fushën e zhvillimit ekonomik lokal, shkëmbimin e përvojave në fushën e digjitalizimit të shërbimeve komunale, agjendën e gjelbër dhe koordinimin për përkrahjen e iniciativave të Republikës së Kosovës në procese të rëndësishme siç është edhe anëtarësimi në OGP.
Ministri Krasniqi e ka falenderuar Ministren Paatero për mbështetjen e vazhdueshme të Finlandës ndaj shtetit të Kosovës.
