Është mbajtur takimi 3 ditor i grupit punues ndërsektorial i kryesuar nga MAPL, për finalizimin e Projektligjit për Sistemin e Menaxhimit të Performancës Komunale dhe Skemën e Grantit të bazuar në Performancë. Projektligji në fjalë trajton mekanizmat për matjen e performancës komunale dhe garanton qëndrueshmërinë e grantit për performancë, si një nga format e veçanta tw financimit të komunave përmes kritereve meritore. Granti për performancë tani është pjesë e Programit Qeveritar 2021-2025, derisa vlerësohet lartë në raportin e fundit të BE-së për Kosovën. Rreth 30 milion euro të këtij granti do të bashkëfinancohen nga donatorët përgjatë periudhës 2022-25.
