Kryeministri i Serbisë Ivica Daçiq dhe i pari nënkryetari i Qeverisë së Serbisë Aleksandar Vuçiq do të duhej që së shpejti të takohen me Zëvendëskryeministrin e Kosovës Slobodan Petrovic, bën të ditur gazeta /Danas / nga burime të mira të informimit.
Prishtinë/Beograd
Kryeministri i Serbisë Ivica Daçiq dhe i pari nënkryetari i Qeverisë së Serbisë Aleksandar Vuçiq do të duhej që së shpejti të takohen me Zëvendëskryeministrin e Kosovës Slobodan Petrovic, bën të ditur gazeta /Danas / nga burime të mira të informimit.
Takimet e ndara të përfaqësuesve më të lartë të Qeverisë në Beograd me Slobodan Petrovicin , i cili është lider i partisë Liberale, partisë politike serbe më të madhe, e cila është pjesë e institucioneve të Kosovës, janë duke i bërë përgatitjet dhe vetëm ditët janë në pyetje deri te realizimi i tyre.
Ky do të jetë takimi i parë i zyrtarëve të lartë të Qeverisë së Serbisë me Slobodan Petrovicin, takim ky që do të paraqes mundësinë e krijimit të raporteve më ndryshe të Beogradit dhe përfaqësuesve serb të Kosovës, shpjegojnë bashkëbiseduesit e gazetës/Danas/.
Petrovic nuk deshi të komentonte në këtë citim, mirëpo burimet e gazetës /Danas/ konfirmojnë interesimin e madh të përfaqësuesve ndërkombëtar për vendosjen e bashkëpunimit në mes të Qeverisë së Serbisë me SLS,e cila pas miratimit të rezolutës dhe platformës në Kuvendin e Serbisë për Kosovën, do të jepte rezultatet e para konkrete dhe të prekshme me qëllim të përmirësimit të pozitës së serbëve të Kosovës në jug të Ibrit.
Mediet kosovare në gjuhën shqipe si dhe burimet e gazetës /Danas/ theksojnë se këto takime mund të kenë një rëndësi shumë të madhe edhe për përmirësimin e bashkëpunimit në mes të Beogradit dhe Prishtinës, kështu që mbajtja e këtyre takimeve do të vlerësohet si një kontribut në procesin e normalizimit të marrëdhënieve në mes të dy palëve.