Është realizuar vizita e dy delegacioneve nga struktura operative e Bashkëpunimit Ndërkufitar të Shqipërisë dhe Kosovës me strukturat e bashkëpunimit ndërkufitar dhe bashkëpunimit territorial, në Vjenë të Austrisë

Dy delegacionet nga Shqipëria dhe Kosova, në kuadër të Programit të Bashkëpunimit Ndërkufitar Kosovë-Shqipëri, mbështetur nga IPA/CBC, kanë realizuar takimet e përbashkëta në kuadër të shkëmbimit të eksperiencave për programet e bashkëpunimit ndërkufitar dhe bashkëpunimit territorial.

Me këtë rast, janë realizuar takimet me përfaqësuesit nga INTERACT, përfaqësuesit nga Sekretariati i Përbashkët Interreg Slovakia-Austria dhe Autoritetin Menaxhues nga Evropa Qendrore.