MAPL dhe USAID-i shpërblyen komunat për performancën më të mirë – Ministria e Administrimit te Pushtetit Lokal

Ministria e Administrimit të Pushtetit Lokal/MAPL në bashkëpunim me projektin Iniciativa për Komuna Demokratike dhe Efektive e USAID-it, organizuan Ceremoninë shpërblyese për performancën më të mirë të Komunave.

14 shkurt 2013, Prishtinë

Zëvendëskryeministri i Kosovës dhe Ministër i Administrimit të Pushtetit Lokal, Slobodan Petrovic, theksoi se ky sistem ju mundëson komunave që të shohin se në çfarë niveli po i ofrojnë shërbimet e tyre për qytetarët dhe në cilat fusha kanë shënuar ngritje.

“Ky aktivitet i sotëm i përbashkët, paraqet një kontinuitet të një bashkëpunimi të mirë e që ka për qëllim zhvillimin e procesit te organizimit të performancës komunale. Andaj me këte rast i ftoj Kryetarët e komunave dhe drejtorët e drejtorive te administratës, si dhe zyrtarët që janë certifikuar për sistemin e performancës komunale, që edhe më tutje të angazhohen maksimalisht për realizimin e këtij programi, sepse do të jetë në interes të të gjithë neve. Më së shumti do të përfitojnë komunat dhe qytetarët, e kjo do të ndikoj në promovimin dhe avancimin e shërbimeve që ju ofrojmë qytetarëve tonë – theksoi Zëvendëskryeministri Petrovic.

Pas një procesi garues u ndanë tetë shpërblime për tetë komuna, në shumë prej 360 mijë dollarësh, ku USAID kontribuoi me 270 mijë dollarë, ndërsa Ministria e Administrimit të Pushtetit Lokal/MAPL, me 90 mijë dollarë.

Komunat u shpërblyen për arritjet e tyre në performancën komunale, e cila ishte ndarë në tri kategori: Shërbime Administrative, Parqe, Sheshe dhe Grumbullimi i mbeturinave,dhe Ndriçimi Publik, Rrugët dhe Trotuaret.

Komunat fituese nga raundi i tretë i Fondit stimulues janë: Shërbime administrative: Junik dhe Hani i Elezit; Parqe, Sheshe dhe Grumbullimi i mbeturinave: Pejë, Graqanicë dhe Ferizaj; dhe në kategorinë Ndriçimi publik, Rrugët dhe Trotuaret u shpërblyen komunat: Mamushë, Kllokot/Vrbovc dhe Prishtinë.

Ky është raundi i tretë dhe i fundit I shpërblimeve me grante i organizuar nga MAPL dhe Iniciativa Komuna Demokratike dhe Efektive e USAID-it.