Ministria e Administrimit të Pushtetit Lokal më datë 04.02.2013 ka lancuar fondin për Zhvillim Ekonomik Rajonal për vitin 2013
Ministria e Administrimit të Pushtetit Lokal më datë 04.02.2013 ka lancuar fondin për Zhvillim Ekonomik Rajonal për vitin 2013, dhe në bashkëpunim me Agjensionin Rajonal Zhvillimor Qendër ka mbajtur sesionin informues në Prishtinë në Hotel Sirius me zyrtarët e komunave: Prishtinë, Podujevë, Graçanicë, Shtime, Fushë-Kosovë, Obiliq, Lipjan dhe Drenas.
Gjithashtu me Agjensionin Rajonal Zhvillimor Lindje ka mbajtur sesionin informues në Gjilan në AZHR Lindje me zyrtarët e komunave: Gjilan, Ferizaj, Viti, Novobërdë, Kamenicë, Hani i Elezit, Kaçanik, Shtërpcë, Ranilug, Kllokot, Partesh.
Objektivi i Përgjithshëm i këtij fondi është mbështetja e rigjenerimit ekonomik, krijimi i vendeve të punës dhe zhvillimi i burimeve njerëzore.
Prioritet i këtij fondi është t’ju mundësojë komunave të zhvillojnë më tutje rolin e tyre udhëheqës në përmirësimin e zhvillimit ekonomik përmes projekteve që kontribuojnë për një ose më shumë prioritete të listuara në Strategjitë e tyre të Zhvillimit Ekonomik Lokal, kështu që kritere kryesore për të aplikuar për këtë fond është që komunat të vijnë me projekte të përbashkëta dhe të krijojnë partneritete në mënyrë që të kemi një zhvillim të balancuar ekonomik ku të gjithë përftojnë.