13 korrik 2018, Prishtinë
Zëvendësministri i Ministrisë së Administrimit të Pushtetit Lokal, z. Beqir Fejzullahu, ka marrë pjesë në inaugurimin e Projektit “Asfaltimi i rrugës në fshatin Prush” të Komunës së Gjakovës.
Me këtë rast, Zëvendësministri Fejzullahu tha se Ministria e Administrimit të Pushtetit Lokal është e përkushtuar të ofrojë mbështetje financiare për investime kapitale në komunat e Kosovës. Ne bashkë me kryetarin e Komunës së Gjakovës, z. Ardian Gjini ,kemi nënshkruar një marrëveshje në muajin prill të këtij viti dhe sot po fillojmë të jetësojmë këtë projekt.
Projekti për asfaltimin e rrugës në fshatin Prush të Komunës së Gjakovës e përkrahur nga Ministria e Administrimit të Pushtetit Lokal ka vlerën investive në shumën e përafërt prej 117,777.00, për të cilën rrugë MAPL-ja ka investuar 108,000.00 euro.
Në fund z. Fejzullahu u shpreh se MAPL-ja do të vazhdojë t’i përkrah të gjitha Komunat e Republikës së Kosovës.