IOWA, Des Moines 6 nëntor 2021
Në ditën e dytë të 10 vjetorit të bashkëpunimit Kosovë – IOWA, Ministri i MAPL-së z.Elbert Krasniqi së bashku me Kryesuesen e Delegacionit të Kosovës, zv.Kryeministren/Ministren e Punëve të Jashtme dhe Diasporës znj.Donika Gërvalla dhe Ministrin e Mbrojtjes z.Armend Mehaj, morën pjesë në konferencën e përbashkët për të prezantuar sukseset dhe të arriturat ndërmjet dy vendeve.
Në këtë konferencë, poashtu u prezantuan eksperiencat e panelistëve të qyteteve të IOWA-s me të cilat komunat e Kosovës kanë partneritet. Në përmbyllje të punimeve të konferencës u konfirmua që bashkëpunimi i deritanishëm ka rezultuar me sukses dhe fokusi për të ardhmen duhet zgjeruar edhe në fusha të tjera prioritare si, zhvillimi ekonomik lokal, demokracia lokale, energjia dhe mjedisi.
