Me ftesë të Komisionit të Pavarur për Miniera dhe Minerale, përfaqësuesja e MAPL-së pranë Departamentit Ligjor dhe Monitorim të Komunave, znj. Flutura Hoxha ka marrë pjesë në punëtorinë e organizuar nga KPMM me temën “Koordinimi ndërinstitucional për zbatimin e Ligjit për miniera dhe minerale për parandalimin e aktiviteteve të paligjshme”.
Qëllimi i kësaj punëtorie ishte që të ketë një bashkëveprim ndërinstitucional sepse pa një koordinim të tillë, një institucion i vetëm e ka shumë të vështirë të realizoj qëllimin për parandalimin dhe ndalimin e aktiviteteve të pa licencuara minerare.
Duke qenë se Ligji për miniera dhe minerale ka shumë obligime ligjore për komunat, u kërkua që të ketë një koordinim me pushtetin lokal në mënyrë që të parandalohen operimet e paligjshme me theks të veçantë në komunat specifike. Znj. Hoxha nga MAPL, falënderojë organizatorët e kësaj punëtorie dhe i ftojë për bashkëpunim në raport me obligimet ligjore që kanë komunat e Kosovës. Kjo punëtori është përmbyllur me konstatime dhe rekomandime konkrete për institucionet përgjegjëse.