Në Ceremoni mori pjesë për të katërtën herë Zëvendëskryeministri dhe Ministër i Administrimit të Pushtetit Lokal, Slobodan Petrovic.
Mëngjesi Tradicional „Në lutje për Amerikën“ organizohet qysh nga viti 1953, çdo të enjte të parë të shkurtit. Presidenti i SHBA Barak Obama do të mbaj fjalim, edhe një mysafir por identiteti i tij nuk zbulohet deri në çastin e fundit. Lutja nacionale e mëngjesit mbledhë edhe anëtarët e Kongresit, politikanët e SHBA , lider ushtarak dhe mysafirë nga më shumë se njëqind vende. Ky është një manifestim që zgjatë disa ditë dhe përbën disa takime, dreka dhe darka .
Zëvendëskryeministri, Slobodan Petrovic, thotë për gazetën “Danas” se shkuarja në mëngjesin e lutjeve është rast i mirë që administratës amerikane t’i prezantohet situata e vërtetë në Kosovë.
“Pjesëmarrja ime në mëngjesin e lutjeve dhe takimet që do t’i kam pastaj, do t’i shfrytëzoj që në mënyrë të drejtpërdrejtë të informoj administratën amerikane për pozitën e komunitetit serb në Kosovë. Përvoja ime flet që disa nga zgjidhjet janë gjetur pas bisedimeve të tilla”, ka thëne Petrovic, për të cilin kjo është hera e katërt që mere pjesë në lutjet e mëngjesit.
Ministri Petrovic thotë se gjatë qëndrimit të toj në Uashington do të ketë takime me përfaqësuesit e Stejt departamentit, Senatit dhe të Kongresit, si dhe ekziston mundësia të takohet me nënkryetarin e SHBA Xhozef Bajdenin.
Ai shton se ky është një rast të takohet me shumë burrështetas botëror dhe kolegë të tij.
“Vetë fakti që bisedoj me këta njerëz është punë e madhe dhe çdo herë shfrytëzoj rastin ta paraqes gjendjen në Kosovë dhe pozitën e komunitetit serb”, përfundon ministri Petrovic.