Prishtinë, 22 Shtator 2021
Gjatë këtij takimi përfaqësuesit e organizatës Advancing Together, kanë njoftuar Ministrin z. Krasniqi për aktivitetet e organizatës duke u fokusuar tek çështjet të cilat lidhen me fushën e promovimit të të drejtave të komuniteteve.
Në anën tjetër, Ministri z. Krasniqi, ka përmendur disa nga vendimet e tij si Ministër i Administrimit të Pushtetit Lokal, të cilat lidhen me mbështetjen e grupeve të margjinalizuara dhe komuniteteve, me qëllim të përmirësimit të kushteve të jetesës së tyre.
Në fund, Ministri z. Krasniqi ka theksuar përkrahjen e tij të plotë për vazhdimin e bashkëpunimit dhe organizimin e aktiviteteve të cilat kanë të bëjnë me promovimin dhe fuqizimin e komuniteteve jo-shumicë.
