Me këtë rast u nënshkrua Memorandum Mirëkuptimi nga z. Slobodan Petrovic, Zëvendëskryeministër dhe… Prishtinë, 20 qershor 2011
Petrovic: Decentralizimi dhe rajonalizimi i shteteve është parakusht për anëtarësimin në trashëgimin evropiane
Me këtë rast u nënshkrua Memorandum Mirëkuptimi nga z. Slobodan Petrovic, Zëvendëskryeministër dhe Ministër i Administrimit të Pushtetit Lokal, Ambasadori Norvegjez në Kosovë, z. Sverre Johan Kvale, znj. Osnat Lubrani, Përfaqësuese e Përhershme UNDP, z. dhe z. Bajrush Ymeri, Kryetar i Komunës së Novobërdës.
Me rastin e dorëzimit të pajisjet kadastrale në komunën e Novobërdës, Zëvendëskryeministri Petrovic tha decentralizimi dhe rajonalizimi i shteteve është parakusht për anëtarësimin në trashëgimin evropiane dhe katastri si dhe të gjitha programe të tjera që nxisin procesin e decentralizimit janë të rëndësishme për zhvillimin e shërbimeve komunale.
"Kjo është baza e cila gjithmonë duhet te marrim në konsideratë sepse dhe kjo është e ardhmja e fëmijëve tanë që meritojnë të jetojnë në frymë dhe vlerat evropiane” tha Zëvendëskryeministri Petrovic.
Për rendësin e dorëzimit të pajisjeve kadastrale në komunën e Novobërdës folën edhe Ambasadori Norvegjez në Kosovë, z. Sverre Johan Kvale, i cili premtoi mbështetjen e shtetit Norvegjez për Kosovën si dhe Përfaqësuese e Përhershme UNDP, z znj. Osnat Lubrani të cilët premtuan mbështetje të mëtutjeshme për MAPL-në dhe decentralizmin.
Ndërsa Kryetari i Komunës së Novobërdës, z. Bajrush Ymeri falënderoi MAPL-në dhe UNDP-në për mbështetjen dhe tha se me procesin e decentralizmit territori i Komunës së Novobërdës është zgjeruar dhe këto pajisje janë mjaft të mirëseardhura sikurse për komunën ashtu edhe për qytetarët.
Projekti për pajisjet kadastrale është financuar nga Qeveria Norvegjeze, përmes Ministrisë së Administrimit të Pushtetit Lokal dhe do të ndihmojë në funksionalizimin e sistemit kadastral në ofrimin e shërbimeve sa më efikase për qytetarët.
Pajisjet kadastrale, mundësojnë që zyra kadastrale në Komunën e Novobërdës të kompletohet me të gjitha pajisjet e nevojshme: kompjuter, pajisjet matëse kadastrale dhe me programin e softuerit të licencuar.