Një grup nxënësish nga shkolla "Mileniumi i Tretë", Klasa IV-të së bashku me mësuesen e tyre Lirije Belegu … 11 shkurt 2011
Një grup nxënësish nga shkolla "Mileniumi i Tretë", Klasa IV-të së bashku me mësuesen e tyre Lirije Belegu, kanë vizituar Ministrinë e Administrimit të Pushtetit Lokal, ku janë takuar me Zëvendësministrin e Administrimit të Pushtetit Lokal, Raif Elezi dhe Sekretarin e përgjithshëm të kësaj ministrie, Z. Besnik Osmani.
Gjatë kësaj vizite nxënësit janë njoftuar më për së afërmi me misionin dhe përgjegjësitë që ka Ministria e Administrimit të Pushtetit Lokal. Gjatë interesimit të tyre ata ishin kureshtarë të dinin shumëçka për këtë ministri dhe natyrisht që këtyre pyetjeve me kënaqësi ju përgjigjën edhe z. Elezi dhe Z. Osmani.
Ndër të tjerash nxënësit ishin të interesuar shumë të dinë se cilat janë masat që ndërmerr Ministria e Administrimit të Pushtetit Lokal në rast se Komunat nuk përfillin ligjin, nuk punojnë si duhet, lejojnë ndërtimin e objekteve pa leje dhe shumë pyetje të tjera që për të dy palët ishin tejet interesante.