Zëvendësministri i Ministrisë së Administrimit të Pushtetit Lokal, Z. Bajram Gecaj, shoqëruar edhe nga z. Avni Sahiti, Udhëheqës i DPTK, me ftesë të Shoqatës së intelektualëve të Pavarur në Deçan, morën pjesë në Tryezën me temë “Këshillat e fshatrave dhe roli i tyre në qeverisjen lokale” në Deçan.
28 maj 2015, Prishtinë
Zëvendësministri i Ministrisë së Administrimit të Pushtetit Lokal, Z. Bajram Gecaj, shoqëruar edhe nga z. Avni Sahiti, Udhëheqës i DPTK, me ftesë të Shoqatës së intelektualëve të Pavarur në Deçan, morën pjesë në Tryezën me temë “Këshillat e fshatrave dhe roli i tyre në qeverisjen lokale” në Deçan. Në këtë Tryezë u diskutua edhe Implementimi i Rregullores Komunale për Bashkëpunim me Fshatra, angazhimin më i madh i qytetarëve në proceset e vendimmarrjes dhe politik bërjes, si dhe rritja e nivelit të transparencës dhe llogaridhënies.
Në fjalën përshëndetëse të tij, Zëvendësministri z.Gecaj u zotua që në cilësinë e Zëvendësministrit të Ministrisë së Administrimit të Pushtetit Lokal, do të kontribuoj me përkushtim në zhvillimin e vetëqeverisjes lokale efektive që do ndikon drejtpërsëdrejti në ofrimin e shërbimeve efikase dhe transparente, si dhe krijimin e politikave me interes të gjithë qytetarëve.
Duke u fokusuar edhe në themelimin e Këshillave të fshatrave, Zëvendësministri Gecaj, tha se “Ministria e administrimit të pushtetit lokal, ka lidhje të ngushtë bashkëpunimi me institucionet lokale dhe ftoi qytetarët që me të njëjtën energji të vazhdojnë punën dhe aktivitet e reja, me vullnetin për të korrigjuar çdo të metë që ndikon në përmirësimin e mënyrës së qeverisjes, dhe në mënyrë që të implementohen të gjitha projektet e përbashkëta që kanë për qëllim avancimin e demokracisë lokale në Kosovë.
Në këtë Tryezë, organizuar nga Shoqata e Intelektualëve të Pavarur, me seli në Deçan dhe përkrahur nga Zyra Zvicerane për Bashkëpunim në Kosovë ishin të pranishëm edhe zyrtarë Komunalë nga Komuna e Deçanit, kryesuesi dhe asamblistë, përfaqësues nga shoqëria civile dhe Kryesues të fshatrave nga kjo Komunë, ku pati edhe debat nga të pranishmit.