Ministria e Administrimit të Pushtetit Lokal, në mbështetje nga Projekti “Të Avancojmë Kosovën së Bashku” USAID, ka organizuar punëtorinë dy ditore për promovimin dhe mbrojtjen e të drejtave të njeriut, në veçanti në mbrojtjen e të drejtave të komuniteteve. 14 tetor 2016, Prishtinë
Ministria e Administrimit të Pushtetit Lokal, në mbështetje nga Projekti “Të Avancojmë Kosovën së Bashku” USAID, ka organizuar punëtorinë dy ditore për promovimin dhe mbrojtjen e të drejtave të njeriut, në veçanti në mbrojtjen e të drejtave të komuniteteve.
Në këtë takim morën pjese përfaqësues nga MAPL, përfaqësues nga projekti i USAID dhe përfaqësuese të 20 komunave, si: nënkryetar nga radha e komuniteteve, koordinatorë nga Njësia për të Drejtat e Njeriut, anëtarë të Komitetit për komunitete si dhe zyrtarë nga zyra për komunitete dhe kthim.
Këtë punëtori e kryesoi z. Avni Sahiti, udhëheqës i Departamentit për Performancë dhe Trasparencë komunale në MAPL dhe znj. Amy Denkenberger, drejtoreshë e programit/AKT-UASID. Sipas agjendës së paraparë për këtë punëtori nga zyrtarët e Divizionit për Avancimin e të drejtave të njeriut në komuna, u prezantua Ligji kundër Diskriminimit nr. 05/ L-21, Ligji për Barazi Gjinore nr. 05/L-20, Ligji mbi Avokatin e Popullit nr. 05/L-19, dhe Mekanizmat lokal për mbrojtjen e komuniteteve.
Punëtoria “Të drejtat e komuniteteve në Republikën e Kosovës”, u organizua me qëllim të promovimit të infrastrukturës ligjore, e cila është në pajtueshmëri kushtetuese dhe instrumentet ndërkombëtare. Punëtoria mundësoi që zyrtarët të kuptojnë ndryshimet e legjislacionit të ri, të arriturat dhe sfidat pas miratimit të pakos ligjore për të drejtat e njeriut.