Me qëllim të Avancimit të shërbimeve publike dhe planifikimi për vitin 2014, Ministria e Administrimit të Pushtetit Lokal në bashkëpunimin e organizatën gjermane GIZ, ka organizuar punëtorinë dyditore me temën “Modernizimi i Shërbimeve Komunale”. 24 shkurt 2014
Në punëtorin ku morrin pjesë Sekretari i Përgjithshëm i MAPL-së z. Besnik Osmani, udhëheqës të departamenteve dhe divizioneve të MAPL-së u diskutua lidhur me mundësinë e modaliteteve të ndryshme të ofrimit të shërbimeve publike, raportin në mes të qytetarëve dhe organeve të pushtetit lokal lidhur me ofrimin e shërbimeve publike si dhe Orientimet strategjike të vitit 2014.
Sekretar i Përgjithshëm i MAPL-së, z. Besnik Osmani tha se misioni i MAPL- së për avancimin e qeverisjes lokale, këtë vit do të shtrihet dy dimensione t pushtit lokal që kanë të bëjnë me monitorimin e zbatimit të ligjit dhe ngritjen e cilësisë së shërbimeve për qytetarët. “ Zbatimi i ligjit nga ana e komunave ka rol krucial në zhvillimin e qeverisjes lokale, dhe në këtë drejtim MAPL me gjithë potencialin e saj do të punojë me komunat që shërbimet për qytetarët t jenë sa më cilësore” tha z. Besnik Osmani gjatë punëtorisë.
Ai gjithashtu shtoi se për të ofruar shërbime profesionale kërkohet edhe efikasitet i administratës lokale që do të jetë fokus i MAPL-së gjatë vitit 2014, në kuadër të ngritjes së kapaciteteve profesionale të zyrtarëve komunal.
Sekretari Osmani tha se një dimension i veçantë i punës së MAPL-së për vitin 2014, do të shtrihet edhe në realizmin e aktiviteteve që do të zhvillohen me komunat Mitrovicë e Veriut, Zveqan, Leposaviq dhe Zubin Potok.
Agron Maxhuni, Udhëheqës i Departamentit Ligjor dhe Monitorim të Komunave, prezantoni planin e zhvillimit të legjislacionit sa përket komunave me theks të veçantë amandamentimin e ligjeve përkatëse për qeverisjes lokale si rolin që do të ketë MAPL në procesin e monitorimit të ligjshmërisë në komuna.
Rozafa Ukimeraj, Udhëheqëse e Departamentit për Integrime Evropiane dhe Koordinim të Politikave, prezantoi planin e obligimeve të MAPL-së në fushën e integrimeve evropiane dhe aktivitet që do të zhvillohen në komuna gjatë vitit 2014, sidomos ato që kanë të bëjnë me raportin e progresit për Kosovën dhe obligimet që dalin nga Marrëveshja e Stabilizim Asocimit.
Besim Kamberaj, Udhëheqës i Departamentit për Bashkëpunim dhe Zhvillim Rajonal, prezantoi planin e MAPL-së për vazhdimin e komponentës së bashkëpunimit dhe zhvillimit rajonal, përfshirë këtu edhe realizmin e investimeve të MAPL-së në komuna gjatë fazës së realizmit të projekteve me interes për komunat.
Avni Sahiti, Udhëheqës i Departamentit për Performancë dhe Transparencë në Komuna, prezantoi veprimet që do ti ndërmarrë MAPL gjatë këtij vitit në kuadër të ngritjes së efikasitetit të administratës lokale në Kosovë.