Slobodan Petrovic nënshkruan Marrëveshje Mirëkuptimi me OJQ-të në Veri që kanë për qëllim integrimin e komuniteteve

Pas përfundimit të procesit të menaxhimit të konkurseve për 55 vende të lira punë për Zyrën Administrative në Veri, në vazhdën e angazhimeve të institucioneve të Kosovës, përkatësisht realizimit të procesit të decentralizmit,  Zëvendëskryeministri i Kosovës, njëherit Ministër i Administrimit të Pushtetit Lokal,  z. Slobodan Petrovic nënshkroi sot marrëveshje mirëkuptimit me  organizata joqeveritare nga Veriu i Mitrovicës dhe komunat e pjesës veriore.

Projektin për bashkëpunim me organizatat jp-qeveritare në Veri,  MAPL e  ka lancuar në prill të këtij viti me ç’rast ka bërë thirrje për të gjitha OJQ-të, që veprojnë në rajonin e Veriut të vendit, të ofrojnë projekte konkrete që ndihmojnë dhe promovojnë iniciativa të përbashkëta mes komuniteteve.

Nënshkrimi i Marrëveshjeve të Mirëkuptimit me  OJQ- të  përfituese përfshijnë shumën  prej 4,000.00 deri në  8,000.00 euro, ndërsa kanë për qëllim promovimin e kulturës, nëpërmjet panaireve,  aktivizimi i nxënësve të të dy pjesëve të qytetit, organizim garash mes të rinjve  në muzikë, aktivitete  sportive si dhe aktivitete tjera kulturore.

Gjithashtu projektet  përfshijnë edhe programe për promovimin e zhvillimit ekonomik  si dhe fushata informimi për qytetarët lidhur me fenomenet negative në shoqëri si droga, prostitucioni etj.
Përzgjedhja e organizatave përfituese është bërë nga Ministria e Administrimit të Pushtetit Lokal,  Zyra Civile Ndërkombëtare dhe  Ekipi Përgatitor Komunal që Vepron në Veri të Mitrovicës.