Në kuadër të bashkërendimit të aktivitete rreth regjistrimit të popullsisë në Kosovë që do të filloj më 1 prill të këtij viti, Zëvendëskryeministrat: Hajredin… Prishtinë, 29 mars 2011
Në kuadër të bashkërendimit të aktivitete rreth regjistrimit të popullsisë në Kosovë që do të filloj më 1 prill të këtij viti, Zëvendëskryeministrat: Hajredin Kuci dhe Slobodan Petrovic takuan kryetarët e Komunave të Kosovës.
Duke e cilësuar njërin nga proceset me prioritet për vendin, dhe nevojën e bashkëpunimit mes nivelit qendror dhe Lokal, Zëvendëskryeministrat e Kosovës, z. Hajredin Kuci dhe z. Slobodan Petrovic takuan Kryetarët e Komunave të Kosovës.
Zëvendëskryeministri Hajredin Kuci tha se procesi i regjistrimit të popullsisë është me rëndësi për vendin dhe se ofron mundësinë e sigurimit të gjendjes reali mbi statistikat e popullsisë në vend dhe ndryshimet demografike të popullsisë. Zëvendëskryeministri Kuci tha se regjistrimi i popullsisë gjithashtu do të ndihmojë ndërtimin e politikave për mirëqenie më të mirë për qytetarët.
"Regjistrimi i popullsisë do të na ndihmojë në ndërtimin e politikave për vendimmarrje dhe mirëqenie të qytetarëve dhe të jemi të kujdesshme që regjistrimi i popullsisë të jetë i organizuar mirë” tha Zëvendëskryeministri i Kosovës dhe Ministri i Drejtësisë, z. Hajredin Kuci.
Zëvendëskryeministri Slobodan Petrovic, tha se që procesi i regjistrimit të popullsisë është një proces me rendësi të veçante dhe se kryetarët e komunave duhet ta vendosin si një nga proceset aktuale më me prioritet në komuna
Gjithashtu z. Petrovic u garantoi Kryetarëve të komunave se do të kenë mbështetjen e MAPL-së në të gjitha fazat e nevojshme gjatë procesit të regjistrimit të popullsisë.
"Procesi i regjistrimit të popullsisë është një nga proceset më me prioritet. Garantoj mbështetjen e pa-rezervë të MAPL-së në mënyrë që këtë proces do ta mbyllin me sukses” tha Zëvendëskryeministri i Kosovës dhe Ministri i Administrimit të Pushtetit Lokal, z. Slobodan Petrovic.
Për rëndësinë e procesit të regjistrimit të popullsisë foli edhe Ministri i Administratës Publike, z. Mahir Yagjillar dhe Kryetari i Komisionit për Regjistrimin e Popullsisë z. Rifat Blaku.