27 mars 2012, Prishtinë
Zëvendëskryeministri i Kosovës, njëherit Ministër i Administrimit të Pushtetit Lokal, z. Slobodan Petrovic, u takua me delegacionin nga Brukseli të kryesuar nga Zëvendës Drejtori i Përgjithshëm për Zgjerim në Komisionin Evropian/Bruksel, z. Joost Korte dhe kryesuesi i njësisë për çështjet e Kosovës, z. Lawrence Meredith.
Gjatë këtij takimi me delegacionin nga Brukseli, Zëvendëskryeministri Petrovic i njoftoi zyrtarët e lartë nga Brukseli lidhur me zhvillimet në Kosovë, me theks të veçantë për përparimet që janë shënuar në procesin e decentralizimit dhe reformën në pushtetin lokal.