Ministria e Administrimit të Pushtetit lokal, mori pjesë në takimin e përbashkët të Autoritetit Kombëtar Kundër Trafikim me Njerëz, lidhur me koordinimin dhe planifikim më të mirë rreth organizimit të fushatës vetëdijesuese në parandalimin e trafikimit me njerëz. Takimi u hap nga zëvendësministri i Punëve të Brendshme, z. Blerim Gashiani.
Ministria e Administrimit të Pushtetit Lokal vazhdimisht është pjesë e përpjekjeve për parandalimin e trafikimit të qenieve njerëzore, pasi që nga viti 2010, Ministria e Punëve të Brendshme organizon çdo vit në shtator dhe tetor një fushatë ndërgjegjësimi kundër trafikimit me njerëz. Fushata realizohet në koordinim dhe bashkëpunim me ministri të tjera përkatëse, nivelin lokal, OJQ vendore dhe ndërkombëtare që veprojnë në Kosovë.