14 qershor 2019, Prishtinë
Dje, me 13 qershor 2019, znj. Luljeta Ibishi Ferizi, nga Divizioni për Avancimin e të Drejtave të Njeriut në Komuna, ka marrë pjesë në takimin e organizuar nga GIZ-i, në kuadër të projektit rajonal për të drejtat sociale për grupet e margjinalizuar ( SoRi), pjesë e projektit është edhe komuna e Mitrovicës.
Delegacioni nga Bashkia e Vlorës të shoqëruar nga përfaqësues nga Instituti Kombëtarë për Studime Sociale me seli në Tiranë, janë pritur nga nënkryetari i komunës së Mitrovicës, z. Faruk Mujka.
Qëllimi i këtij takimi, ishte diskutimi rreth projekteve të përbashkëta, shkëmbimi i përvojave të ndryshme nga të dy qytetet, si në fushën e ndihmës sociale, arsimit, shëndetësisë dhe të drejtave të njeriut.
Delegacioni nga Shqipëria sipas agjendës, vizituan kullën e Isa Boletinit të cilët nderuan jetën dhe veprën e heroit kombëtar.