23. 05. 2019, Prishtinë
Ministria e Administrimit të Pushtetit Lokal (MAPL), në agjendën legjislative për vitin 2019 ka paraparë hartimin e “Projekt-Udhëzimit Administrativ për plotësim ndryshimin e Udhëzimit Administrativ Nr. 2008/08 për organizimin, funksionimin dhe bashkëpunimin e komunave me me fshatrat, vendbanimet dhe lagjet urbane”.
Me qëllim të plotësimit dhe ndryshimit të këtij Udhëzimi Administrativ, MAPL, në bashkëpunim me OJQ Syri i Vizionit, organizuan punëtoritë e përbashkëta, me Kryesues të Kuvendeve të Komunave, Drejtor të Drejtorive të Administratës së Komunave, Drejtor të Drejtorive për Financa, Organizata të Shoqërisë Civile dhe kryetar të fshatrave, vendbanimeve dhe lagjeve urbane të regjionit të Gjakovës, ku përfshihen komunat si: Gjakovë, Rahovec dhe Malishevë, si dhe tëë regjionit të Gjilanit, ku përfshihen komunat si: Gjilan, Viti, Partesh, Kamenicë, Ranillug dhe Novobërdë.