Në bashkëorganizim të Ministrisë së Administrimit të Pushtetit Lokal, Asociacionit të Komunave të Kosovës dhe me mbështetjen e OSBE-së, është mbajtur Punëtoria Trajnuese për e-Komunat.
Në këtë punëtori morën pjesë zyrtarë komunalë përgjegjës për e-Komunat, si dhe zyrtarë të komunikimit nga komunat e Republikës së Kosovës.
Punëtoria iu dedikua ngritjes së kapaciteteve të komunave në fushën e digjitalizimit dhe zhvillimit të shërbimeve elektronike për qytetarët, me fokus të veçantë në platformën e-Komuna.
Qëllimi i kësaj punëtorie ishte fuqizimi i administratës komunale përmes përdorimit të platformave digjitale, duke lehtësuar ofrimin e shërbimeve publike më të shpejta, më transparente dhe më efikase për qytetarët.
Përmes aftësimit profesional dhe shfrytëzimit të teknologjisë digjitale, synohet rritja e cilësisë së shërbimeve publike në nivel komunal dhe avancimi i praktikave të qeverisjes së mirë.
