Rregullorja Nr. 04/2019 për organizimin e brendshëm dhe sistematizimin e vendeve të punës të Ministrisë së Administrimit të Pushtetit Lokal zbatohet për Ministrinë e Administrimit të Pushtetit Lokal.
Detyrat dhe përgjegjësitë e Ministrisë së Administrimit të Pushtetit Lokal, përcaktohen me Shtojcën “12” të Rregullores së Qeverisë Nr. 02/2011 për Fushat e Përgjegjësisë Administrative të Zyrës së Kryeministrit dhe Ministrive dhe me legjislacionin përkatës në fuqi.
Ministria e Administrimit të Pushtetit Lokal ka këto kompetenca:
i. zhvillon politika dhe zbaton legjislacion për vetëqeverisje efikase komunale;
ii. promovon dhe afirmon të drejtën e organeve lokale për vetëqeverisje në pajtim me Kartën Evropiane për Vetëqeverisje Lokale;
iii. bashkërendon dhe promovon zhvillimin e reformës së pushtetit lokal;
iv. bashkërendon dhe përkrah bashkëpunimit ndër komunal dhe ndërkufitar;
v. promovon zhvillimin e shërbimit civil komunal profesional, duke i marrë parasysh përgjegjësitë e Ministrisë së Administratës Publike;
vi. ndihmon organet e vetëqeverisjes lokale në zhvillimin e buxheteve dhe të sistemeve të tyre të menaxhimit të financave;
vii. mbikëqyrja e cilësisë së shërbimeve komunale;
viii. identifikon dhe zhvillon programe për ngritjen e kapaciteteve institucionale të organeve të vetëqeverisjes lokale;
ix. punon për promovimin dhe zhvillimin e transparencës së organeve të vetëqeverisjes lokale;
x. ofron këshillave dhe udhëzime ligjore për komunat;
xi. bashkërendon aktivitetet e agjencive ndërkombëtare dhe i organizatave joqeveritare që kanë të bëjnë me komunat;
xii. bashkërendimi me ministritë sektoriale për avancimin e vetëqeverisjes lokale;
xiii. mbikëqyrja e komunave gjatë zbatimit të përgjegjësive dhe kompetencave të zgjeruara dhe deleguara;
xiv. bashkërendimi me Ministrinë e Financave për t’u siguruar se administratat komunale marrin mjetet buxhetore që u duhen për t’i ushtruar përgjegjësitë e veta, duke përfshirë investimet publike;
xv. kontribuon në respektimin dhe promovimin e të drejtave të njeriut nga organet e vetëqeverisjes lokale;
xvi. në bashkërendim me PNC-në, i trajton çështjet lidhur me përbërjen e njësive të qeverisjes lokale dhe të kufijve të tyre;
xvii. krijon politika për nxitjen e pjesëmarrjes së qytetarëve në procesin e vendimmarrjes në nivelin lokal, dhe
xviii. kryen edhe detyra të tjera, që i caktohen Ministrisë me legjislacionin përkatës në fuqi
