1. Misioni i Departamentit Ligjor është mbikëqyrja e zbatimit të legjislacionit në fuqi prej komunave, zhvillimi i legjislacionit nga fusha e vetëqeverisjes lokale. Përgjigjet për dhënien e asistencës dhe opinionit ligjor në funksion të veprimtarisë së Ministrisë. Është gjithashtu përgjegjëse për mbështetje në çdo çështje që lidhet me garantimin e pajtueshmërisë me kuadrin ligjor, së politikave të ndjekura nga Ministria në fushat ku kjo e fundit ushtron funksionet dhe veprimtarinë e saj.
2. Detyrat dhe përgjegjësitë e Departamentit Ligjor janë:
2.1. Ofron mbështetje ligjore në hartimin e dokumenteve strategjike dhe legjislative nga fushëveprimi i ministrisë;
2.2. Ofron ndihmë në hartimin e legjislacionit parësor dhe dytësor nga fushëveprimi i ministrisë;
2.3. Siguron respektimin e teknikave dhe standardeve të hartimit të legjislacionit nga fushëveprimi i ministrisë;
2.4. Siguron përafrimin e legjislacionit të ministrisë me legjislacionin e Bashkimit Evropian (acquis communautaire) si dhe me ligjet e aplikueshme në Kosovë;
2.5. Ofron këshilla ligjore dhe rekomandime nga fushëveprimi i ministrisë sipas kërkesës;
2.6. Bashkëpunon me Ministrinë e Drejtësisë për përfaqësimin e ministrisë në kontestet gjyqësore;
2.7. Mbikëqyr zbatimin e legjislacionit për vetëqeverisje lokale dhe akteve komunale pas kërkesës për rishqyrtim;
2.8. Jep rekomandime për zgjidhjen e kërkesave dhe problemeve që parashtrohen në rrugë administrative, për çështje me natyrë ligjore dhe juridike;
3. Drejtori i Departamentit Ligjor raporton tek Sekretari i Përgjithshëm.
4. Në kuadër të këtij Departamenti bëjnë pjesë Divizionet si vijon:
4.1. Divizioni për shqyrtimin e ligjshmërisë së akteve të kuvendit komunal dhe Kryetarit të Komunës;
4.2. Divizioni për zbatim të legjislacionit;
4.3.Divizioni për Hartimin dhe harmonizimin e legjislacionit.
Drejtor i Departamentit Ligjor
Erblin Hetemi – erblin.hetemi@rks-gov.net 038 200 64148
