1. Misioni i Departamentit për Digjitalizimin e Shërbimeve në Komuna është të rritet dhe avancohet qeverisja e hapur dhe të digjitalizohen të gjitha shërbimet komunale.
2. Detyrat dhe përgjegjësitë e Departamenti për Digjitalizimin e Shërbimeve në Komuna janë:
2.1. Digjitalizimi i të gjitha shërbimeve komunale përmes platformës E-KOMUNAT;
2.2. Rritja e transparencës, llogaridhënies dhe përmirësimi i shërbimeve
në nivelin lokal përmes platformës E-KOMUNAT;
2.3. Avancimin e mekanizmave ligjore për digjitalizimin e shërbimeve komunale;
2.4. Avancimi i sistemit te intranetit dhe ueb faqeve duke e integruar ne platformën E-KOMUNAT me ç’rast te gjitha shërbimet komunale si dhe adresimi i kërkesave të qytetareve të bëhet ne kohe reale;
2.5. Identifikimi i të gjitha pozitave qe kërkohet me legjislacionin sektorial dhe që kërkohet nga komuna caktimin e pozitave te caktuara, në kuadër të platformës E-KOMUNAT;
2.6. Zhvillon kapacitet humane dhe profesionale, trajnimin e detyrueshëm, vendosjen e sistemit të kuadrove për shfrytëzimin e platformës E-KOMUNAT;
2.7. Rritja e pjesëmarrjes së qytetarëve në vendimmarrje në nivelin lokal.
2.8. Rishikimi i kornizës ligjore për dhënien e pronës komunale në shfrytëzim duke bërë thjeshtëzimin e proceseve, evitimin e burokracive dhe rritjen e transparencës, përmes integrimit në platformën E-KOMUNAT;
2.9. Krijimi i një sistemi te integruar të planifikimit në nivel të komunës që përmes MAPL te monitorohet dhe të ndërlidhet me planet dhe prioritetet nacionale;
2.10. Koordinon hartimin e Planeve Nacionale të Veprimit çdo dy vite;
2.11. Mbikëqyrë dhe koordinon zbatimin e planeve;
2.12.Ushtron detyrat si pikë kontaktuese në mes Qeverisë së Republikës së Kosovës dhe Partneritetit për Qeverisje të Hapur;
2.13. Koordinon vlerësimet e jashtme për nivelin e zbatimit të Planeve Nacionale të Veprimit;
2.14. Harton raporte të rregullta për zbatimin e planeve;
2.15. Harton strategjinë afatmesme për qytete inteligjente (smart cities);
2.16. Monitorin zbatimin e kësaj strategjie.
3. Drejtori i Departamentit për Digjitalizimin e Shërbimeve në Komuna raporton tek Sekretari i Përgjithshëm.
4. Në kuadër të këtij Departamenti bëjnë pjesë Divizionet dhe njësitë si vijon:
4.1. Divizioni për E-KOMUNAT dhe Qytetet Inteligjente;
4.2. Divizioni për Partneritetin për Qeverisje të Hapur – PQH;
Drejtori i Departamentit për Digjitalizimin e Shërbimeve në Komuna
Flurim Arifi – flurim.arifi@rks-gov.net 038 200 64173
