Ministria e Administrimit të Pushtetit Lokal/MAPL në bashkëpunim me UNDP-në dhe Institutin e Kosovës për Administratë Publike/IKAP, organizuan ceremoninë e dorëzimit të certifikatave “Programi i trajnimit për të Drejtat e Njeriut”…
11 nëntor 2011, Prishtinë
Ministria e Administrimit të Pushtetit Lokal/MAPL në bashkëpunim me UNDP-në dhe Institutin e Kosovës për Administratë Publike/IKAP, organizuan ceremoninë e dorëzimit të certifikatave “Programi i trajnimit për të Drejtat e Njeriut”, për Komunat e reja dhe disa komuna të tjera të Republikës së Kosovës.
Më këtë rast të pranishmit i përshëndeti zëvendësministri i Administrimit të Pushtetit Lokal, Rifat Krasniq.
Programi për të drejtat e njeriut është organizuar enkas për komunat e reja si dhe për disa komuna tjera, kryesisht aty kua ka pasur lëvizje pozitash.
Me krijimin e njësiteve për të Drejtat e Njeriut në Komunat e reja, që nga fillimi i vitit 2011 deri në maj, Ministria e Administrimit të Pushtetit Lokal, përkatësisht divizioni për të drejtat e njeriut, në partneritet me UNDP dhe Institutin e Kosovës për Administratë Publike ka filluar organizimin e trajnimeve me zyrtarë të komunave të reja dhe disa komunave të tjera të Kosovës.
Temat që janë trajtuar në programin e trajnimeve kanë qenë:
1. Baza fillestare për ndërtimin e strategjisë për të drejtat e njeriut;
2. Reformat në infrastrukturën ligjore lidhur me të drejtat e njeriut;,
3. Legjislacioni i ri për shërbim civil;
4. Respektimi i të drejtave të njeriut;
5. Roli dhe përgjegjësitë e njësiteve për të drejtat e njeriut;
6. Të drejtat e personave me aftësi të kufizuar;
7. Të drejtat e minoriteteve dhe përdorimi i gjuhëve
8. Kundër trafikimi;
9. Të drejtat e fëmijëve dhe
10. Format e raportimeve (shkresat zyrtare)
Pjesëmarrja në këto trajnime ishte e lartë dhe rreth 200 zyrtarë, prej tyre 1/3 kanë qenë të komunitetit serb.
Në këtë ceremoni morën pjesë pjesë përfaqësues nga Ministria e Administrimit të Pushtetit Lokal/MAPL, përfaqësues të UNDP në Kosovë si dhe përfaqësues të Institutit Demokratik të Kosovës/IKAP.