Zëvendëskryeministri dhe Ministri i Administrimit të Pushtetit Lokal, z. Slobodan Petrovic, mori pjesë në takimin e Grupit punues të Qeverisë – Takimi për Mitrovicën e Veriut.
08 prill 2013, Prishtinë
Zëvendëskryeministri dhe Ministri i Administrimit të Pushtetit Lokal, z.Slobodan Petrovic, mori pjesë në takimin e Grupit punues të Qeverisë – Takimi për Mitrovicën e Veriut.
”MAPL ka përkrahur këtë vit komunat nga lëmia e investimeve kapitale, duke përfshirë financat dhe programin e infrastrukturës, bashkëfinancimin me IPA, Programi për zhvillim regjional dhe programet e MAPL, IPA-s me zyrën e BE-së në Kosovë. Me qëllim të funksionalizimit sa më të mirë të Zyrës Administrative në Mitrovicën e Veriut, Ministria e Administrimit të Pushtetit Lokal në vitin 2012, ka financuar 20 projekte nga buxheti i vet, nga kategoria e investimeve kapitale në vlerë prej 90.627.00 €”, ka thënë Zëvendëskryeministri Petrovic.
“Gjithashtu, Ministria e Administrimit të pushtetit lokal ka përkrahur edhe 7 OJQ në vlerë prej 42,125.00€ nga buxheti i MAPL-së, kategoria subvencione dhe transfere”, ka thënë Petrovic.
Në këtë takim punues të Qeverisë, pos Zëvendëskryeministrit Petrovic morën pjesë edhe Kryeministri i Kosovës z. Hashim Thaçi, përfaqësuesi special i BE-së në Kosovë, Samuel Zhbogar, ambasadorja e SHBA-së, zonja Tracey An Jakobson, Shefja e zyrës Administrative, zonja Adrijana Hoxhiq, si dhe ambasadorët e vendeve tjera në Kosovë.