23 janar 2019, Prishtinë
Drejtoria për Financim dhe Kontraktimin të fondeve të Asistencës së Bashkimit Evropian (CFCU) të Ministrisë së Financave të Malit të Zi ka publikuar Thirrjen e Dytë për Propozime për Programin e Bashkëpunimit Ndërkufitar IPA Mali i Zi-Kosovë 2014-2020 më 15 janar 2019.
Shuma e përgjithshme indikative e disponueshme në këtë thirrje është 2,040,000.00 EUR dhe do të mbulojë prioritetet tematike të mëposhtme (TP):
– TP 1 – Promovimi i punësimit, mobilitetit të punës dhe përfshirjes sociale dhe kulturore në të anët e kufirit;
– TP 3- Inkurajimi i turizmit dhe trashëgimisë kulturore dhe natyrore.
Përveç kësaj, ne kemi kënaqësinë t’ju ftojmë në Konferencën “Kick-off” që do të mbahet në Prishtinë më 29 janar 2019, duke filluar nga ora 10.00, në Hotel Garden.
Konferenca do të organizohet me rastin e hapjes së Thirrjes së Dytë për Propozime të Programit të Bashkëpunimit Ndërkufitar Mali i Zi dhe Kosovës 2014-2020 nga Strukturat Operative të Programit, Zyra për Integrime Evropiane në Mal të Zi, Ministria e Financave e Malit te Zi – Drejtoria për kontraktim dhe financim të fondeve të BE-së, Ministria e Administrimit të Pushtetit Lokal të Republikës së Kosovës dhe Sekretariati i Përbashkët Teknik i Programit BNK Mali i Zi – Shqipëri dhe Mali i Zi – Kosovë.