Në kuadër të procesit për ri-integrimin e personave të ri-atdhesuar dhe koordinimit institucional mes nivelit qendror dhe atij lokal… 4 prill 2011, Prishtinë
Në kuadër të procesit për ri-integrimin e personave të ri-atdhesuar dhe koordinimit institucional mes nivelit qendror dhe atij lokal, Zëvendëskryeministri i Kosovës dhe Ministri i Administrimit të Pushtetit Lokal, z. Slobodan Perovic, Ministrja e Integrimeve Evropiane znj. Vlora Çitaku dhe Ministri i Punëve të Brendshme, z. Bajram Rexhepi takuan përfaqësuesit komunal të Zyrave komunale për kthim dhe komunitete dha ata për integrime Evropian.
Zëvendëskryeministri i Kosovës dhe Ministri i Administrimit të Pushtetit Lokal, z. Slobodan Petrovic tha se "komunat kanë rol të rëndësishëm në procesin e ri-integrimit dhe se procesi i riatdhesimit dhe ri-integrimit është një ndër pikat kryesore drejt liberalizimit të vizave ku një rol mjaft të rëndësishëm në këtë proces e kanë komunat përkatësisht zyrat komunale për komunitete dhe kthim".
Në mënyre që procesi i ri-integrimit të zhvillohet në mënyrë sa më të suksesshme dhe pa implikime buxhetore, Zëvendëskryeministri Petrovic njoftoi se Qeveria e Kosovës ka ndarë 3.5 milon euro për realizimin e këtij procesi.
Zëvendëskryeministri Petrovic, kërkoi nga zyrtarët komunal që të përgatiten të dhëna të sakta lidhur me statistikat e personave të riatdhesuar në mënyrë që ky proces të realizohet mbi bazën e raportimit faktit dhe të drejtë nga vet komunat.
Zëvendëskryeministri Petrovic, tha se "Ministria e Administrimit të Pushtetit Lokal do të ofroj mbështetje të vazhdueshme për komunat në procesin e ri-atdhesimit dhe se me gjitha kapacitetet që ka do të jetë në dispozicion të komunave në mënyrë që ky proces të zbatohet me sukses".
Ndërsa Ministrja e Integrimeve Evropiane, znj. Vlora Çitaku tha se procesi i ri-integrimit të personave të riatdhesuar është një proces mjaft i rëndësishëm për Kosovën dhe se lidhet drejtpërdrejtë me liberalizmin e vizave dhe marrëveshjen e Kosovës për tregti të lirë me BE- në. Po ashtu znj. Çitaku kërkoi nga zyrtarët komunal që procesi i ri-integrimit të vendoset si një prioritet i rëndësishëm për komunat dhe të punohet më përkushtim serioz në këtë drejtim.
Duke folur për rëndësinë që kanë komunat në procesin e ri-integrimit të personave të riatdhesuar, Ministri i Punëve të Brendshme z. Bajram Rexhepi tha se destinimi kryesor i personave që do të kthehen është komuna, andaj përkushtimi i komunave në këtë drejtim duhet të jetë i një niveli mjaft të lartë. Duke theksuar rëndësinë e veçantë që ka procesi i riatdhesimit z. Rexhepi procesi i ri-integrimit të personave të ri-atdhesuar është proces me interes nacional dhe politik për vendin.