Ministria e Administrimit të Pushtetit Lokal organizoi sot në Mitrovicë, takimin e katërt konsultativ për diskutimin e Draft “Strategjisë për Qeverisje Lokale 2013 – 2016”.
Prishtinë, 28 qershor 2012
Ministria e Administrimit të Pushtetit Lokal organizoi sot në Mitrovicë, takimin e katërt konsultativ për diskutimin e Draft “Strategjisë për Qeverisje Lokale 2013 – 2016”.
Zëvendësministri i Administrimit të Pushtetit Lokal, z. Basri Musmurati tha se kjo Strategji reflekton parimet kushtetuese të Republikës së Kosovës dhe Kartës Evropiane për Vetëqeverisje Lokale.
“Kjo strategji, ka për qëllim vazhdimin e reformimit te vetëqeverisjes lokale duke synuar zhvillimin e hovshëm ekonomik dhe social të Kosovës. Po ashtu synon zbatimin e praktikave më të mira të qeverisjes lokale në Kosovë duke synuar dhe mbajtur këtë në nivel të standardeve Evropiane, në mision të përmirësimit të jetës së qytetarëve të Kosovës, përmirësimin e kualitetit te shërbimeve të ofruara nga qeverisja lokale dhe krijimin e një atmosfere përkrahëse për iniciativat dhe investimet private” – u shpreh Zëvendësministri Musmurati.
Ndërkaq, z. Ibrahim Krasniqi, këshilltar nga CDF, në Departamentin e Reformës së Pushtetit Lokal/MAPL, gjatë prezantimit të strategjisë para të pranishmëve tha se qëllimi i përmirësimit të shërbimeve-decentralizimi duhet të jetë sa më i kapshëm për qytetarët.
“Strategjia është e formuluar në ata mënyrë që të mbështes jo vetëm në parim por edhe në praktikë të drejtat e njeriut duke përfshirë edhe të drejtat e komuniteteve”- theksoi z. Krasniqi.
Në këtë takim ku morën përfaqësues nga Komunat Mitrovicë, Gllogovc, Drenas, Vushtrri si dhe studentë e grupe të tjera të interesit u tha se thelbi i strategjisë është përmirësimi i jetës së qytetarëve të Kosovës me anë të rritjes së shërbimeve në nivel lokal.
Në fund Zëvendësministri Musmurati porositi të pranishmit, në veçanti përfaqësuesit e komunave pjesëmarrëse që të gjithë vërejtjet, sugjerimet dhe komentet në lidhje me Strategjinë për qeverisje lokale 2013-2016, t’i përcjellin në adresë të Ministrisë së Administrimit të Pushtetit Lokal.