Zëvendëskryeministri dhe Ministri i Administrimit të Pushtetit Lokal, Slobodan Petrovic, paraqiti sot Raportin e MAPL- së Komisionit Parlamentar për arsim, kulturë, rini, administratë, Vetëqeverisje Lokale dhe media.
Zëvendëskryeministri Petrovic ka thënë se Ministria e Administrimit të Pushtetit Lokal do ta plotësojë obligimin e saj ligjor dhe do të mundohet që në mënyrë sa më të mire të mundshme të avancojë sistemin e mbikëqyrjes dhe komunikimit me Komuna, ka inicuar projektin e ri "Instalimi I sistemit monitorimi dhe komunikimi me anë të teleprezencës".
“Ju njoftoj se MAPL /ja ka pajisur me "teleprezencë" të gjitha Komunat e Kosovës. Këto pajisje janë të vendosura në sallat e Kuvendeve të Komunave, për deri sa MAPL/ja kujdeset që të gjithë nëpunësit e kësaj teknologjie të informohen në mënyrë sa më të drejtë lidhur me shfrytëzimin e këtyre pajisjeve ”, ka thënë Zëvendëskryeministri.
Ministri Petrovic gjithashtu ka theksuar se pas themelimit të njësisë për të drejtat e njeriut në Komuna të reja MAPL /ja ka zhvilluar, programe trajnimi në bashkëpunim me Programin e Kombeve të Bashkuara për zhvillim (UNDP) dhe Institutit Kosovar për shërbime publike (KIJA).
Është realizuar faza e tetë e trajnimit për të drejtat e njeriut me zyrtarët e rinj në Komunat e reja: Graçanicë, Ranillug, Kllokot, Partesh dhe me zyrtarë tjerë në Komuna tjera: Hani i Elezit, Kamenicë, Prizren, Mitrovicë, Shtërpcë, Mamushë, Gjilan, Podujevë dhe Junik, ka shtuar Ministri Petrovic.