Projekti i MAPL për shpërndarjen e ndihmave sociale në Veri të Mitrovicës, ka vazhduar edhe këtë javë. Me ndihmën e Ekipit Përgatitor për Mitrovicën e Veriut, janë shpërndarë 50 pakot e para me ndihma substanciale në ushqim dhe 50 pako higjienike për familjet skamnore qe jetojnë në këtë qytet.
Kjo formë e asistencës do të vazhdojë edhe në ditët e ardhshme me ç’rast për familjet që kanë nevojë për asistencë sociale do të shpërndahen 150 pako ushqimore dhe 150 pako higjienike. Hapjen e këtij projekti e bëri Këshilltari i Ministrit të MAPL z. Dragisa Krstic dhe Drejtori I Departamentit për Reformë të Pushtetit Lokal, z. Avni Sahiti.
Me rastin e shpërndarjes së ndihmave humanitare, Këshilltari I Ministrit, z. Dragisa Krstic tha se se ky veprim është realizuar në kuadër të iniciativës dhe përkushtimit të MAPL-së për ti ndihmuar qytetarët që jetojnë në pjesën Veriore të Mitrovicës.