Prishtinë, 17 maj 2022
Ministria e Administrimit të Pushtetit Lokal në mbështetje të projektit DEMOS, ka mbajtur takimin e parë të Grupit Punues Ndërministror lidhur me hartimin e Programi Nacional për Zhvillim Ekonomik Lokal, i cili është një dokument politikash i MAPL-së.
Ky takim ka për qëllim përkrahjen e komunave në zhvillimin e politikave strategjike që ndikojnë në zhvillimin ekonomik lokal. Gjithashtu ky dokument do të orientoj komunat në realizmin e objektivave të tyre.
Në takim u diskutuan edhe sfidat e komunave në fushën e Zhvillimit Ekonomik Lokal, hapat dhe afati kohor për hartimin e Programit Nacional për Zhvillim Ekonomik Lokal 2023-2029.
