Gjatë takimit u diskutua për forcimin e vetëqeverisjes lokale dhe avancimin e demokracisë në nivel komunal. Në fokus të bisedës ishte gjithashtu dialogu i strukturuar me komunat, kompetencat dhe financimi lokal, prona komunale, bashkëpunimi ndërkomunal, si dhe rekomandimet e raportit për zbatimin e Kartës Evropiane të Vetëqeverisjes Lokale.
Ministri Krasniqi ka potencuar se MAPL mbetet e përkushtuar ndaj një dialogu të rregullt, bashkëpunimit institucional dhe gjetjes së zgjidhjeve konkrete në interes të komunave dhe qytetarëve.
Bashkëpunimi me Këshillin e Evropës do të vazhdojë edhe në hapat e ardhshëm, me synim forcimin e mëtejshëm të demokracisë dhe vetëqeverisjes lokale.
