Prishtinë, 23 prill 2019
Në vazhdën e takimeve ditore njoftuese, pas emërimit të saj si ministre e Ministrisë së Administrimit të Pushtetit Lokal, Adriana Hodžić e shoqëruar nga kabineti i saj, sot priti në takim drejtoreshën e Misionit të USAID-it në Kosovë Lisa Magno, së bashku me drejtoreshën e Zyrës për Demokraci dhe Qeverisje në USAID, Christina Davis.
Bashkëpunimi në mes të Ministrisë së Administrimit të Pushtetit Lokal dhe USAID-it, gjatë këtyre viteve ka qenë në një nivel shumë të lartë. Ky bashkëpunim do të vazhdojë edhe në të ardhmen, ku ministrja Hodžić dhe drejtoresha e USAID-it Magno e konfirmuan gjatë takimit të mbajtur.
Ministrja Hodžić në këtë takim i ka njoftuar përfaqësuesit e USAID-it me planet, aktivitetet dhe me prioritetet e ministrisë.
Pasi që ka dëshiruar sukses në detyrën e saj të re, drejtoresha e USAID-it konfirmoi edhe një herë mbështetjen dhe ndihmën për Ministrinë, në adresimin dhe tejkalimin e problemeve të ndryshme, në interes të një jete më të mirë për qytetarët në Kosovë.