Ministria e Administrimit të Pushtetit Lokal- Departamenti për Bashkëpunim dhe Zhvillim Rajonal mbajti sot takimin me përfaqësues të Komunat e Republikës se Kosovës rreth hartimit të planeve të integruara 2016-2018. 30 prill 2015, Prishtinë
Ministria e Administrimit të Pushtetit Lokal- Departamenti për Bashkëpunim dhe Zhvillim Rajonal mbajti sot takimin me përfaqësues të Komunat e Republikës se Kosovës rreth hartimit të planeve të integruara 2016-2018.
Drejtori i Departamentit për Bashkëpunim dhe Zhvillim Rajonal, z. Besim Kamberaj, dhe Drejtori i Departamentit Ligjor, z. Agron Maxhuni, prezantuan para përfaqësuesve të komunave, Strategjinë Afatmesme te Buxhetit, nëpërmjet të cilit synohet të organizohet dhe koordinohet puna në mënyrë efikase dhe efektive e buxhetit komunal dhe rregullave të përcaktuara me Kornizën Afatmesme të Shpenzimeve (KASH).
Zyrtarët e MAPL-së, shpjeguan strukturën e Planit te integruar te komunës i cili është një përmbledhje e përgjithshme e drejtimit që planifikojnë komunat të arrijnë në tri vitet e ardhshme dhe të prioriteteve në të cilat do të fokusohen që të përmirësojmë jetën e të gjithë qytetarëve. Prioritetet e Planit të integruar te komunës, këto prioritete duhet të inkorporohen në procesin buxhetor 2016-2018 që të sigurohet një nivel i duhur i burimeve financiare për të arritur zbatimin me sukses të atyre prioriteteve.