Qershor, 2021
Ministri i Administrimit të Pushtetit Lokal, z. Elbert Krasniqi gjatë vizitës zyrtare në Itali në Provincën Autonome të Trentos, sot u prit në takim nga Kryetari i Komunës së Rovertos z. Francesco Valduga si dhe nga Kryetari i Komunës së Tretos z. Franco Janselli.
Gjatë këtyre dy takimeve u diskutua për mundësitë e bashkëpunimit në mes të komunave të Pronvincës Autonome të Trentos respektivisht të Komunave të Provincës Autonome të Rovertos me Komunat e Republikës së Kosovës.
Ministri z. Krasniqi gjatë këtyre takimeve theksoi rëndësinë e krijimit të urave të bashkëpunimit duke u fokusuar në mundësinë e binjakëzimit të Provincave Autonome dhe Komunave të Republikës së Kosovës.
