Prishtinë, 09 Qershor 2020.
Zëvendëskryeministri i Qeverisë dhe ministri i Ministrisë së Pushtetit Lokal (MPL), Goran Rakić është takuar me shefen e zyrës së BE-së dhe Përfaqësuesen Speciale të Bashkimit Evropian në Kosovë, ambasadoren Natalija Apostolova.
Në takim është diskutuar për situatën aktuale politike, strategjinë e ardhshme për zhvillim ekonomik, luftën kundër pandemisë aktuale me COVID-19 dhe pasojat të cilat kanë ndikuar në jetën e përditshme të qytetarëve si në Kosovë ashtu edhe në të gjithë regjionin.
Zëvendës kryeministri Rakić dhe ambasadorja Apostolova pohuan se vazhdimi i dialogut është i rëndësisë së veçantë për normalizimin e marrëdhënieve dhe bashkëpunimin e mëtejmë.