Zëvendëskryeministri Petrovic në Konferencën “Fundi i mbikëqyrjes së pavarësisë së Kosovës dhe komuniteti serb në Kosovë”

Petrovic: “Unë mund të them se përfaqësuesit e bashkësisë serbe në institucionet e Kosovës po investojnë të gjitha kapacitetet e tyre dhe po punojnë me ngulm për krijimin e një ardhmërie më të mirë për bashkësinë serbe”

Zëvendëskryeministri i Kosovës dhe njëherësh Ministër i Administrimit të Pushtetit Lokal, Slobodan Petrovic, mori pjesë në Konferencën “Fundi i mbikëqyrjes së pavarësisë së Kosovës dhe komuniteti serb në Kosovë”, organizuar nga  Këshillit për Qeverisje Përfshirëse.

Në këtë Konferencë Ministri Petrovic tha se me përfundimin e mbikëqyrjes së Pavarësisë dhe rrugën drejt BE,  nevojitet një përkushtim dhe pjesëmarrje e të gjithëve duke filluar nga mbrojtja e  të drejtave të njeriut deri te standardi i lartë i jetesës dhe nëse Kosova dëshiron të kthehet mbrapa  dhe dëshiron të mos kenë liri dhe liberalizim të vizave, atëherë Kosova do të mbetet një vrime e zezë në këtë rajon, po Kosova këtë nuk e  dëshiron nënvizoi Ministri Petrovic.

“Unë e di se  përpara na pret një rrugë e gjatë për zhvillim dhe dëshmim për të cilin kërkohet angazhim i të gjithëve dhe nuk mjafton që në këtë të marrin pjesë vetëm institucionet,  qoftë qeveri ose parlament, por e tërë shoqëria duhet të jetë  mobilizuar.

Unë mund të them se përfaqësuesit e  bashkësisë serbe në institucionet e Kosovës po investojnë të gjitha kapacitete e tyre dhe po punojnë me ngulm për krijimin e një ardhmërie më të mirë për bashkësinë serbe,  unë gjithsesi  e di se gjithmonë ka hapësirë për më shumë e më mirë por është shumë lehtë të bëhet kritika , por e vërteta është se përfaqësuesit e bashkësisë serbe në institucionet tona pa marrë parasysh përfaqësinë politike po bëjnë maksimumin e tyre”  theksoi Zëvendëskryeministri Petrovic.

Në Konferencën “Fundi i mbikëqyrjes së pavarësisë së Kosovës dhe komunitetit serb në Kosovë”, folën edhe z. Pieter Feith, Përfaqësues i Zyrës Civile Ndërkombëtare/ZCN, z. Jakup Krasniqi, Kryetari Kuvendit të Kosovës, ambasadorja e Zvicrës, Krystyna Marty Lang.

Konferenca vazhdoi me diskutimet rreth implikimeve të përfundimit të mbikëqyrjes së pavarësisë nga përfaqësues të partive politike, përfaqësues të shoqërive civile dhe  Këshillit për qeverisje përfshirëse.