Zëvendëskryeministri Petrovic po qëndron për vizitë zyrtare në SHBA ku morri pjesë në ceremoninë e Lutjeve të Mëngjesit

Kongresmeni  Amerikan Eliot Engel ka përgëzuar Zëvendëskryeministrin Petrovic për rezultatet e punës së MAPL-së dhe rolin që ka pasur MAPL në fazën e konstituimit të organeve të reja lokale 07 shkurt 2014
Kongresmeni  Amerikan Eliot Engel ka përgëzuar Zëvendëskryeministrin Petrovic për rezultatet e punës së MAPL-së dhe rolin që ka pasur MAPL në fazën e konstituimit të organeve të reja lokale

Një takim të veçantë, Zëvendëskryeministri Petrovic ka zhvilluar edhe me Kongresmenin Amerikan, Elio Engel, me të cilin ka biseduar për situatën politike në Kosovë, në mënyrë të veçantë për implementimin e Marrëveshjes së Brukselit dhe progresin në implementimin e rezultateve të zgjedhjeve lokale.

Kongresmeni  Eliot Engel, ka përgëzuar Zëvendëskryeministrin Petrovic për rezultatet e punës së Ministrisë së Administrimit të Pushtetit Lokal në procesin e implementimit të rezultateve të zgjedhjeve lokale me theks të veçantë për rolin që ka pasur MAPL në fazën e konstituimit të organeve të reja lokale.
Po ashtu Kongresmeni Amerikan Eliot Engel ka shprehur mirënjohje për  Zëvendëskryeministrin Petrovic  për  konsistencën politike që e proklamon si subjekt politik në Kosovë dhe ka vlerësuar lartë lidershipin e tij.

Në kuadër të vizitës në SHBA, Zëvendëskryeministri Petrovic nesër do të mbajë një ligjëratë në  Universitetin John Hopkins me temën marrëveshja për normalizimin e marrëdhënieve Serbi – Kosovë: progresi dhe sfidat. Zëvendëskryeministri Petrovic do të takohet edhe me Kryetarë të qyteteve për të diskutuar për bashkëpunimin konkret dhe shkëmbimin e përvojave me komunat e Kosovës në fushën e qeverisjes lokale.