Me rastin e festës së Pashkëve, ditës më të lumtur krishtere, Zëvendëskryeministri i Kosovës dhe Ministër i Administrimit të Pushtetit Lokal, Slobodan Petrovic, dhe kryetar i partisë SLS, i shoqëruar nga Presidentja e Kosovës, znj. Atifete Jahjaga, Ambasadorja Amerikane në Kosovë Tracey Jakobson dhe komandanti i KFOR-it Folker Halbaur, vizitoi sot Manastirin e Deçanit. 5 maj 2013, Prishtinw
Zëvendëskryeministri Petrovic edhe një herë theksoi rëndësinë e festës së Pashkëve:
„Me porosinë e një të ardhme të përbashkët, tolerancës dhe respektimit të ndërsjellët të të gjithë atyre që jetojnë në Kosovë, erdha këtu në Deçan së bashku me miqtë e mi në ditën e Pashkëve, që simbolizon ringjalljen e Krishtit, ringjalljen e shpirtit dhe besimin në Zot. Dëshiroj që nga ky vend t’iu uroj Pashkët të gjithë besimtarëve ortodoks, me porosinë që Pashkët ti kalojnë në paqe dhe harmoni me më të afërmit e tyre, si dhe me fqinjë, miqtë me përshëndetjen tradicionale krishtere: “Krishti u ngjall“, tha z. Petrovic.
Presidentja e Kosovës, znj. Jahjaga, si dhe ambasadorja Amerikane Jakobson uruan Pashkët atit Sava dhe të gjithë besimtarëve ortodoks.
Pas vizitës në Manastirin e Deçanit, Zëvendëskryeministri Petrovic vazhdoi vizitën për në Patriarkanën e Pejës.