Zëvendëskryeministri Slobodan Petrovic flet për RTS emisioni “SEDMICA”

Pas kthimit në Prishtinë, pas bisedimeve të lodhshme dhe të pasuksesshme, keni deklaruar se besoni se do të vij deri te përfundimi pozitiv i dialogut?

 – Zëvendëskryeministri Slobodan Petrovic: Procesi i dialogut ështe shumë i rëndësishëm, kvalitativ dhe shume i vështirë.  Dialogu po ndodh në momentin e aspiratave të Prishtinës dhe  Beogradit për të hyrë në Bashkimin Evropian . Mu për këtë, ky dialog është i rëndësishëm, sepse historikisht është i lidhur me  Ballkanin e ri dhe me mënyrën e re të të menduarit . Duke pasur këto fakte parasysh, vërtet jam optimist se do të gjendet zgjedhja e cila të gjithë neve bashkërisht do të na ofrojë  ka  Bashkimi Evropian.

Vërejtja më e madhe e kryeministrit Daqiq dhe e Zëvendëskryeministrit  Vuciq është se  Prishtina, pra Hashim Thaçi nuk po hjekin dorë nga kërkesat maksimale dhe principet  “gjithçka për asgjë”?

 – Zëvendëskryeministri Slobodan Petrovic: Mendoj se bëhet fjalë për shpjegimin e  ligjit dhe të drejtës . Të dyja palët po bëjnë lëshime, dhe të jeni të sigurtë për këtë sepse ishim të pranishëm aty. E di që të dy palët theksojnë vijat e kuqe, por në të vërtet vijat e kuqe nuk ekzistojnë. Nga ana tjetër , ajo që është e dukshme se Prishtina  e ka përkrahjen më të madhe të fuqive të mëdha, pra mbështetjen më të mirë në këto negociata. Mendoni se  të gjithë do të bëjnë gjithçka, në mënyrë që të nxjerrin maksimumin nga negociatat, por kjo duhet të vlerësohet me mençuri se kush sa mundet të kërkojë në këtë proces. Gjithashtu mendoj, se dërgohen mesazhe të panevojshme, se pranimi ose mos pranimi do të jetë një katastrofë. Nuk e kuptoj, pse gjithë kjo  histeri rreth diçkaje që Serbia  faktikisht ka humbur ,me mossuksesin në  Rambuje dhe me marrëveshjen e Kumanovës.  Këtë, të gjithë ne e dimë, qysh prej 14 viteve.  Edhe një herë  e theksoj se të gjithë duhet ta dinë që  rezultatet e bisedimeve janë  arritur me përpjekjen maksimale të  dy kryeministrave , që për anët e tyre të nxjerrin maksimumin. Tani faktori më i rëndësishëm është koha, dhe pritet përgjigja nga Beogradi.

Z. Petrovic, a përfaqësoni  ju mendimin e serbëve për kompetencat e bashkimit të komunave serbe në mënyrën si kërkon  Beogradi?

 – Zëvendëskryeministri Slobodan Petrovic: Para se gjithash  ideja për asociacionin e komunave është model shumë i mirë.  Këtu fjala është më tepër si të jetësohet ai model, realizimi i asaj marrëveshjeje,dhe a kishte me qenë i gatshëm veriu për kësisoj asociacioni. Ajo që di unë është e interesat e serbëve mund të mbrohen përmes  institucioneve dhe çdo lloj i vetizolimit, e që për fat keq disa po e preferojnë , do të kishte pasur pasoja të paparapara për komunitetin serb. Serbëve të  Kosovës i duhen më  shumë  kapacitete, kjo është e sigurt, dhe për këtë Beogradi do të kishte mundur të ndihmojë. Ajo çka duhet të bëj Beogradi është se duhet të punojë në forcimin e bashkësisë serbe, në mënyrë që të bëhen faktor politiko-ekonomik . Si të tillë në institucionet kosovare do të kishin mundësinë që me të madhe ti zgjedhin problemet që nuk janë zgjedhur deri më tani. Sa i përket pjesëmarrjes sonë në institucionet kosovare, mendoj se edhe kjo nuk është ideale, por është shumë më  efikase se që ka qenë  para disa viteve.  Kjo shihet në infrastrukturë më të mirë, rruga, shkolla më të mira, çerdhe etj. Më tepër se  3000 persona i  kemi punësuar, me qindra ndërtesa i kemi ndërtuar, për të kthyerit dhe gjendje dhe ata në gjendje të rëndë sociale. Është shumë me rëndësi që të kemi bashkëpunim më të me Beogradin zyrtar. Për fat të keq, deri më  tani nuk kemi pasur bashkëpunim dhe komunikim të mirë,  por shpresojmë që kjo shpejt do të ndryshojë,  sepse kjo është   mënyra praktike që bashkërisht ti zgjedhim çështjet e serbëve në  Kosovë. Me vjen keq që ende nuk është mundësuar kjo edhe më herët,  sepse sot procesi i dialogut do të kishte zgjidhje kualitative .

Hashim Thaçi  ka deklaruar se pa marrëveshje të dyja palët do të ishin humbëse. Çka po humbë Prishtina?

 – Zëvendëskryeministri Slobodan Petrovic: Dua edhe një herë të potencoj, se besoj se kompromisi është i mundshëm. Si pjesëmarrës i këtyre negociatave  jam i njoftuar me energjinë  e të d y palëve për marrëveshje.  Mbetet që Beogradi ta japë përgjigjen finale, duke marre parasysh  rrethanat që ekzistojnë në Serbi.  Jam dëshmitar i këtij procesi në Bruksel dhe gatishmërisë se të dy kryeministrat do të duhej t’i pastrojnë të kaluarën e keqe.  Sa i përket pjesëmarrjes sime, do të angazhohem  që të shfrytëzoj ndikimin tim dhe t’u ndihmoj  edhe kryeministrit Thaçi edhe kryeministrit Daciq, për të arritur marrëveshjen, sepse as Serbia, e as Kosova,  as serbët nga Kosova nuk do të kenë shpejt kësisoj rasti. Besoj se do ta arrijnë marrëveshjen dhe ne këtë rast të gjithë do të jenë fitues.

Mediet e kanë përcjellur kërcënimin e  Hashim Thaçit, se me force do të vendosë qeverisjen në veri të Kosovës, nëse nuk nënshkruhet  marrëveshja . Këshilltari  i kryeministrit, Azem Vllasi në këtë është i qartë . Si i shpjegoni këto kërcënime?

 – Zëvendëskryeministri Slobodan Petrovic:  Mendoj se këto gjëra nuk shkojnë në favor të këtij procesi. Para se gjitha mendoj se disa media që transmetojnë këto informata, nuk i përkasin  realitetit.  Është e sigurt se nëse eventualisht  nuk arrihet marrëveshja në Bruksel, situata nuk do te jetë më e mirë . Sigurisht për kësisoj  aktiviteti as Prishtina, as askush nuk do të jetë i gatshëm, dhe as planifikon.

A është deri të martën pas dite afati i fundit të deklarohen palët,a po është i mundur ndryshimi i qëndrimit të Prishtinës në lidhje me pozicionin e datës dy prill?

 – Zëvendëskryeministri Slobodan Petrovic:  Nuk do të isha lidhur vetëm me të martën . Besoj se gjatë javës së ardhshme do të gjendet zgjedhja. Nuk do të ketë aty shumë ndryshime,por për çdo rast, ajo çka është e vërteta e hidhur dhe realiteti që kemi, që të gjitha ofertat që i kemi pasur, kanë ndihmuar  që mundësia e përgjegjës  të jetë më e vështirë.

Çfarë janë njohuritë tuaja? A ka pasur kontakte diplomatike me Uashingtonin dhe Brukselin në pesë ditët e fundit ?

 – Zëvendëskryeministri Slobodan Petrovic: PO, ajo këtu nuk është asnjë risi, ky aktivitet është prezent para se të ketë filluar ky  proces dhe kjo është plotësisht e logjikshme. Mirë është që është kështu. Është shumë i rëndësishëm roli i SHBA  në këtë proces, sepse ndikimi i tyre është i madh në Kosovë dhe rreth Kosovës.  Është i rëndësishëm, jo vetëm për arritjen e marrëveshjes, por edhe për realizimin e marrëveshjes së arritur.

Për fund, a është pozicioni juaj ne ekipin negociator i rëndësishëm për palën serbe, apo është vetëm alibi e palës shqiptare?

 – Zëvendëskryeministri Slobodan Petrovic: Jo. Ajo çka është e qartë që ne si parti nga fillimi e kemi përkrahur shumë këtë proces. Ky proces ka filluar dhe  shpresoj realisht se do të japë  rezultatet e veta, dhe në këtë mënyrë do ta arsyetojmë  drejtësinë e politikës sonë. Në këtë proces nuk është shtyer  askush pa dëshirë. Në këtë proces jemi para se gjithash për shkak të përgjegjësisë dhe obligimeve para qytetarëve tonë , që kanë dhënë votën dhe para se gjithash mendoj në komunitetin serb. Gjithsesi pjesëmarrja e serbëve që janë në institucionet kosovare është shumë  e rëndësishme para se gjithash, për shkak të garancës së Serbëve që jetojnë në Kosovë në rend të parë të atyre  që jetojnë në jug në kushte shumë më të vështira .