Zëvendësministri i Administrimit të Pushtetit Lokal, z. Basri Musmurati është takuar me z. Bryan Marcus, zyrtar i çështjeve politike në ambasadën e SHBA në Kosovë.
Zëvendësministri i Administrimit të Pushtetit Lokal, z. Basri Musmurati është takuar me z. Bryan Marcus, zyrtar i çështjeve politike në ambasadën e SHBA në Kosovë.
Takimi kishte për qëllim diskutimin rreth themelimit të Komunës së re të Hasit.
Me këtë rast Zëvendësministri, Musmurati e njoftoi z. Markus për vendimin e qeverisë dhe inicimin e procedurës ligjore të themelimit të komunës së re. Ai tha se MAPL ka filluar kontaktet me Komunën e Prizrenit dhe të Gjakovës si dhe me banorët e fshatrave të përreth të Hasit.
Zëvendësministri Musmurati shtoi se hasianët plotësisht pajtohen për themelimin e komunës së re, por mbetet se ku do të vendoset dhe për këtë Qeveria e Kosovës do të ketë kujdes të veçantë. Veçmas sa i përket qëndrueshmërisë ekonomike dhe ofrimit të shërbimeve sa më cilësore për qytetarët.