Në kudër të Programit IPA për Bashkëpunim Ndërkufitar, ndërmjet Kosovës dhe Malit të Zi, sot, Bashkimi Evropian përmes ekipit të ekspertëve të jashtëm, ka filluar misionin on-line për “Monitorimin e Orientuar drejt Rezultateve”. Gjithashtu, ky mision përfshinë edhe monitorimin e shtatë projekteve, të financuara nga thirrja e parë për propozime të Programit të Bashkëpunimit ndërkufitar ndërmjet Kosovës dhe Malit të Zi.
Gjatë misionit, filimisht do të zhvillohen intervistat online me stafin e Sekretariatit të Përbashkët teknik të programit, ndërsa javën tjetër intervistat vazhdojnë me strukturat operative, përfituesit e projekteve, po ashtu edhe partnerët e tyre nga zonat e programit ndërkufitar.
Monitorimi i orientuar drejt rezultateve (ROM) është sistem i monitorimit të jashtëm të Bashkimit Evropian, që synon të forcojë kontrollin e brendshëm, përgjegjshmërinë dhe aftësinë e menaxhimit të Komisionit Evropian, duke u fokusuar në rezultate.
